2015年1月8日 星期四
簡志堅又好，中國天然氣(931)又好，係14年9月出現暴挫之前，都係冇咩人留意嘅名字。當然，今日已經係另一回事。有人話，簡志堅係老千，所有野都係吹出來炒作。我唔係簡sir肚入邊果條蟲，唔知佢諗咩，但我個人認為簡sir並唔係純吹水純玩財技。
先回顧中然氣自14年3月下旬以來嘅通告，前前後後出左十六份框架協議。部分人士覺得Billy Kan(簡志堅英文名)吹水，因為框架協議某程度上係吹水，簽左唔做，都唔使俾錢唔使負責。截至目前為止，未見中然氣有任何實質行動，或財務數據，反映到佢營運協議中嘅業務，但股價已經由三毫幾嘅水平，炒上到而家1.4元左右，市值亦由大約40億升到160億。所以，呢啲人嘅判斷，都有佢地嘅道理。
但係，從協議嘅簽訂方來睇，似乎又唔差。2014年3月，中然氣同中國平安(2318)旗下嘅平安證券簽協議，獲平安證券提供融資服務。同期間，中然氣得到中海油(883)旗下嘅中海油雲南能源簽嘅合作意向。
最矚目嘅係14年11月同中石化(386)旗下嘅中石化銷售有限公司簽訂嘅框架協議，協議提及，由中石化銷售出面同內地政府講數，幫中然氣申請係加油站增設液化天然氣加氣設施。此外，由中石化銷售負責項目設計、建設、安裝設備、測試及驗收。咁意味着，無論係政府關係同技術層面，都有國有企業做支援，解決左Billy Kan呢個財技人嘅不足。
上述提及嘅合作公司，都係大型國企或半國企公司嘅子公司，受每公司嘅監管。無論係中海油、平安或中石化，都係社會極為關注嘅公司，加上係規模龐大，唔會亦唔敢明刀明槍咁做假。從利益角度去睇，佢地冇持有，或只持有少量中然氣嘅股權，根本唔值得去幫中然氣簽協議來抬高股價。所以，佢地同中然氣簽訂嘅協議，吹水嘅機會好低。
而從中然氣嘅股權分布來睇，除左簡志堅自己持有71.44%，冇其他股東多過5%，換言之，簡志堅係單一大股東。假如簡志堅想從股價上升而受惠，佢就要賣股票。但佢根本唔可能直接係市場上散貨，因為佢持股市值有成114億，而14年9 月24日果日，中然氣嘅成交額只係28億，已經造成高位至低位單日跌七成嘅慘況，簡志堅直接放貨又邊度搵人攞百幾億來承接呢﹖從人性嘅角度來講，對簡sir最有利嘅做法，係整返啲實質業務出來，氹到啲基金同大戶，咁先容易有人高價承接佢嘅股權，食大茶飯。
所以，我個人相信，中然氣會有實業運作嘅機會不小，因為就算係玩財技，你都要有實業，先可以寫到令人相信嘅故仔架。正如李嘉誠話齋，「你覺得我好得閒﹖」fund men同大戶都一樣，冇盈利前景，唔會傻更更走去接人地嘅股票。
更重要嘅係，簡志堅係零八年執左中然氣呢隻殼返來，咁多年來都冇供供合合向下炒，如果佢有心做呢啲衰野，以佢對上市規則嘅知識，唔需要等到來今日先做。而簡志堅想自己有so，最好嘅方法係股價愈升愈有。基於協議性質、財技歷史同人性嘅角度，我仍然保留一啲中然氣嘅股票，希望跟到簡志堅呢艘大船。成功機率有幾大，我唔知道，一路監察、見步行步吧﹗
先回顧中然氣自14年3月下旬以來嘅通告，前前後後出左十六份框架協議。部分人士覺得Billy Kan(簡志堅英文名)吹水，因為框架協議某程度上係吹水，簽左唔做，都唔使俾錢唔使負責。截至目前為止，未見中然氣有任何實質行動，或財務數據，反映到佢營運協議中嘅業務，但股價已經由三毫幾嘅水平，炒上到而家1.4元左右，市值亦由大約40億升到160億。所以，呢啲人嘅判斷，都有佢地嘅道理。
但係，從協議嘅簽訂方來睇，似乎又唔差。2014年3月，中然氣同中國平安(2318)旗下嘅平安證券簽協議，獲平安證券提供融資服務。同期間，中然氣得到中海油(883)旗下嘅中海油雲南能源簽嘅合作意向。
最矚目嘅係14年11月同中石化(386)旗下嘅中石化銷售有限公司簽訂嘅框架協議，協議提及，由中石化銷售出面同內地政府講數，幫中然氣申請係加油站增設液化天然氣加氣設施。此外，由中石化銷售負責項目設計、建設、安裝設備、測試及驗收。咁意味着，無論係政府關係同技術層面，都有國有企業做支援，解決左Billy Kan呢個財技人嘅不足。
上述提及嘅合作公司，都係大型國企或半國企公司嘅子公司，受每公司嘅監管。無論係中海油、平安或中石化，都係社會極為關注嘅公司，加上係規模龐大，唔會亦唔敢明刀明槍咁做假。從利益角度去睇，佢地冇持有，或只持有少量中然氣嘅股權，根本唔值得去幫中然氣簽協議來抬高股價。所以，佢地同中然氣簽訂嘅協議，吹水嘅機會好低。
而從中然氣嘅股權分布來睇，除左簡志堅自己持有71.44%，冇其他股東多過5%，換言之，簡志堅係單一大股東。假如簡志堅想從股價上升而受惠，佢就要賣股票。但佢根本唔可能直接係市場上散貨，因為佢持股市值有成114億，而14年9 月24日果日，中然氣嘅成交額只係28億，已經造成高位至低位單日跌七成嘅慘況，簡志堅直接放貨又邊度搵人攞百幾億來承接呢﹖從人性嘅角度來講，對簡sir最有利嘅做法，係整返啲實質業務出來，氹到啲基金同大戶，咁先容易有人高價承接佢嘅股權，食大茶飯。
所以，我個人相信，中然氣會有實業運作嘅機會不小，因為就算係玩財技，你都要有實業，先可以寫到令人相信嘅故仔架。正如李嘉誠話齋，「你覺得我好得閒﹖」fund men同大戶都一樣，冇盈利前景，唔會傻更更走去接人地嘅股票。
更重要嘅係，簡志堅係零八年執左中然氣呢隻殼返來，咁多年來都冇供供合合向下炒，如果佢有心做呢啲衰野，以佢對上市規則嘅知識，唔需要等到來今日先做。而簡志堅想自己有so，最好嘅方法係股價愈升愈有。基於協議性質、財技歷史同人性嘅角度，我仍然保留一啲中然氣嘅股票，希望跟到簡志堅呢艘大船。成功機率有幾大，我唔知道，一路監察、見步行步吧﹗
沒有留言:
張貼留言